Breska tímaritið Hello! birti í gær lista yfir best klædda kóngafólk heims. 30 þúsund manns kusu í kosningum slúðurblaðsins um klæðaburð kóngafólksins og kom það eflaust mörgum á óvart að það var ekki Katrín hertogaynja af Cambridge sem varð efst á blaði heldur danska krónprinsessan Mary.
Hello! segir Mary geisla af sjálfstrausti og vita hvað fer henni og hvað ekki. Hún sé fáguð en tolli þó í tískunni. Í öðru sæti yfir best klædda kóngafólkið á lista Hello er Máxima Hollandsdrottning en Katrín má sætta sig við það þriðja.
Listann í heild sinni má sjá hér.