Lögreglan í Los Angeles lýsir nú eftir hinum 35 ára gamla Tobias Strebel sem er tvífari Justin Bieber. Strebel hefur eytt um 13 milljónum króna í lýtaaðgerðir til þess að líkjast poppstjörnunni.
„Það sem færði mig nær Bieber var allur pakkinn, fallegu kinnarnar, björtu augun, varirnar og hárið. Hann er einstaklega fallegur,“ sagði Strebel í viðtali í þættinum Botched.
Samkvæmt The Independent sást síðast til Strebel þann 18. ágúst í Vestur-Hollywood. Lögreglan telur að hann hafi verið að keyra gráan Toyota Camry frá árinu 2009.
„Það er afar skrýtið að hann hafi horfið. Hann hefur aldrei látið sig hverfa áður,“ sagði Mel Espinoza vinur Strebel í viðtali við ABC News.