Kvikmyndin Everest stefnir í að verða sú erlenda mynd Baltasars Kormáks sem mestum tekjum hefur halað inn. Samkvæmt upplýsingum Rvk studios mun myndin ná 100 milljónum dollara í tekjur á heimsvísu í dag aðeins tíu dögum eftir frumsýninguna. Myndin var sú fjölsóttasta í fimmtán löndum.

Í Bretlandi, Írlandi, Nýja Sjálandi og Íslandi var Everest númer eitt aðra helgina í röð. Í Rússlandi var myndin í fyrsta sæti og með 53% af miðasölu. Á Íslandi hafa 35 þúsund manns séð myndina til þessa.

Í minnisblaði kvikmyndaversins NBC/Universal sem Rvk studios vísar til kemur fram að Everest hafi halað inn 33,8 milljónum dollara utan Bandaríkjanna um helgina. Alls hafi séu tekjur af myndinni þar því 73,7 milljónir dollara. Þegar tekjurnar frá sýningum í Bandaríkjunum bætist við séu heildartekjurnar af myndinni nærri 100 milljónum dollara.

Í frétt á vef Forbes kemur fram að Everest hafi kostað um 55 milljónir dollara í framleiðslu

Tengdar fréttir

Everest kvikmyndin

Beint: Kemst Ísland alla leið?

• „Ég strunsaði að minnsta kosti ekki út úr Eurovision“
• Fjögur lík og tíu tonn af rusli
• Heilinn erfiðar á Everest
• Baltasar: Fleiri kunna söguna

» Fleiri tengdar fréttir

• Blogga um frétt