Kourtney Kardashian endaði 37 ára afmælisdag sinn á Hótel Rangá í faðmi fjölskyldu og vina, þ.á.m. Kim Kardashian, Kanye West og Jonathan Cheban. 

Eftir að hafa snætt kvöldmat og enn eina afmæliskökuna var hópurinn fluttur að Seljalandsfossi þar sem vonir stóðu til að hann fengi að sjá norðurljós. 

En norðurljósin spyrja ekki um frægð og héldu sig víðsfjarri, raunar virðist það jafnvel sem svo að skýjahulan hafi komið algjörlega í veg fyrir að Kourtney og félagar sæju einu sinni stjörnur.

Það var í það minnsta staðan miðað við Snapchat Jonathan Cheban þegar hópurinn kom aftur á Rangá og nokkrir meðlimir hans skelltu sér í heitan pott.

Ekki leið á löngu áður en starfsmaður hótelsins kom út. Hann tilkynnti hópnum að borist hefðu kvartanir vegna hávaða, búið væri að slökkva á pottunum og hann yrði að biðja þau um að koma upp úr.

Jonathan Cheban, sem hafði ekki farið ofan í sjálfur heldur staðið á hliðarlínunni og gert grín að hinum varð þá að orði „Vita þeir að þetta er Kourtney?“

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Grunaðar um að pissa í pottinn