Lindsay Lohan kynnir sér Kóraninn

Fjölmiðlar fóru mikinn á síðasta ári þegar Lindsay Lohan sást á göngu með Kóraninn í hönd.  Nú hefur leikkonan, sem fæddist inn í Kaþólska fjölskyldu, lýst því yfir að hún sé að kynna sér Íslam.

„Ég er mjög andleg manneskja og opin fyrir því að læra. Bandaríkin hafa dregið upp allt aðra mynd af því að kynna sér Kóraninn heldur en það þarf að þýða. Öll trúum við á eitthvað, og þegar allt kemur til alls tengist það einhverjum guði eða andlegum ráðgjafa,“ sagði leikkonan í samtali við dagblaðið The Sun.

Lohan hefur þó enn ekki lokið lestri trúarritsins, enda segir hún það afar langt.

„Ég er enn ekki búin að lesa bókina. Veistu hvað það tæki langan tíma? Það tekur alveg óratíma.“

Lohan er ekki fyrsta stórstjarnan sem kynnir sér Íslam, en Cat Stevens, Janet Jackson og Mike Tyson hafa einnig tekið upp trúna.

• 1 blogg um fréttina

Bloggað um fréttina

• Mofi: Allir ættu að kynna sér Kóraninn