Beyoncé setti allt á hliðina þegar hún sendi frá sér nýju plötuna, Lemonade, á dögunum. Eins og alþjóð líklega veit þykja textar plötunnar bera vitni um erfiðleika í sambandi söngkonunnar og eiginmanns hennar, Jay Z.
Margir telja að á plötunni megi finna skýrar vísanir í framhjáhald Jay Z og hefur mikið verið rætt um Becky með fallega hárið, sem bregður fyrir í texta við eitt lagið.
Plötunni lýkur þó á ljúfu nótunum og virðist allt hafa fallið í ljúfa löð hjá hjónunum, sem eiga saman fjögurra ára dótturina Blue Ivy.
Frétt mbl.is: Tileinkaði Jay Z síðasta lagið
Nú er tónleikaferðalag söngkonunnar hafið og hjónin sífellt undir vökulu auga ljósmyndara. Það vakti því gríðarlega athygli þegar myndir náðust af skötuhjúunum baksviðs, en hvorugt þeirra bar giftingarhring.
Frétt Daily Mail