Greint var frá því á dögunum að söngvarinn Louis Tomlinson, einn meðlima drengjasveitarinnar One Direction, stæði í forræðismáli – en hann vill fá sameiginlegt forræði með syni sínum.
Pilturinn, Freddie Reign Tomlinson, er fimm mánaða gamall en hann býr með móður sinni Briönu Jungwirth.
Samkvæmt umfjöllun Mirror er samband foreldranna ekki sem best verður á kosið, en söngvarinn er sagður ósáttur við hversu lítil samskipti hann fær að hafa við soninn.
„Hann er ekki velkominn á heimili Briönu, eða foreldra hennar, og þarf því að sækja son sinn á bílastæði,“ er haft eftir ónefndum heimildamanni.
Frétt mbl.is: Fer fram á sameiginlegt forræði