Fyrrverandi fótboltakappinn og núverandi kaupsýslumaðurinn og fyrirsætan David Beckham er sérlega hrifinn af húðflúrum. Hann skartar ótalmörgum og bætir sífellt í safnið.
Á dögunum frumsýndi eiginkona hans nýtt flúr, mynd af hesti sem staðsett er á hálsi hans.
Frétt mbl.is: David Beckham bætir í safnið
Hrossið er ekki það eina sem kappinn hefur bætt við nýlega, en hann skartar einnig glænýju flúri á handarbakinu líkt og fram kemur í frétt Daily Mail.
Höndin var vel flúruð fyrir, til að mynda má þar finna nafn eiginkonu hans Victoriu Beckham ásamt fleiru. Nú stendur þar fyrir neðan „my love“, eða ástin mín.