Skötuhjúin Vilhjálmur prins og eiginkona hans, Katrín hertogaynja af Cambridge, eru stödd í opinberri heimsókn í Kanada um þessar mundir.

Þegar maður er í opinberri heimsókn þýðir ekkert að vera matvandur, heldur er best að borða lostætið sem borið er fram með bros á vör. Líka ef lostætið er sérlega ólystugt og afskaplega skringilega útlítandi.

Hin konunglegu hjú eru þó öllu vön, en þau gæddu sér á risaskelfisk sem mörgum þykir afar fráhrindandi í útliti.

„Hvað framsetningu varðar er hann mjög krefjandi,“ sagði prinsinn um skelfiskinn, en lét þó til leiðast nokkru síðar. Að vísu var þá búið að matreiða fiskinn á lystugan máta líkt og fram kemur í frétt Daily Mail.

Skelfiskurinn er fremur sérkennilegur í útliti, og þykir mörgum hann minna á einhverskonar reðurtákn. Ljósmynd / skjáskot Daily Mail

Tengdar fréttir

Kóngafólk í fjölmiðlum

Karl á batavegi og snýr aftur til starfa

• Karl III sagður „mjög veikur“
• Ný stytta afhjúpuð af Elísabetu II. drottningu
• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar

» Fleiri tengdar fréttir

• Blogga um frétt