Biðla til kjörmanna
Setja bókamerki
Það styttist í að Donald Trump verði svarinn í embætti forseta Bandaríkjanna og nú hefur hópur Hollywood-stjarna með stórleikarann Martin Sheen í broddi fylkingar biðlað til kjörmanna um að koma í veg fyrir það sem þeir líkja við stórslys.
Í myndbandinu er lögð áhersla á að Trump hafi hvorki reynslu, gáfur né getu til að sinna jafnveigamiklu embætti og forsetaembættið sé og að kosningakerfið hafi verið hannað með það að markmiði að koma í veg fyrir að vanhæfur einstaklingur kæmist til valda.
Þann 19. desember munu kjörmannaráð í öllum ríkjum Bandaríkjanna koma saman til að kjósa nýjan forseta. Bandaríkja kosningakerfið byggist á svonefndum kjörmönnum. Þannig kjósa íbúar hvers ríkis ekki forseta heldur fær sigurvegarinn í ríkinu ákveðinn fjölda kjörmanna sem ákvarðast af stærð ríkisins. Alla jafna kjósa kjörmenn í samræmi við stefnu síns flokks en þó telur Hollywood-hópurinn að það megi reyna að hafa áhrif á ákvörðun kjörmannanna með því að höfða til skynsemi þeirra. Inntakið í myndbandinu sé ekki að Hillary sé betri kostur heldur fremur að allt sé skárra en Trump.
Nú þegar hefur einn kjörmanna repúblikana í Texas stigið fram og sagst ekki ætla kjósa Trump en hvort fleiri muni fylgja í fótspor hans skal ósagt látið.
Mál hjúkrunarfræðingsins fer aftur fyrir héraðsdóm
Sennilega gróðureldur, ekki ný sprunga
Forsetinn líti yfir axlirnar á þingheimi
Ólíkt ákall fólks á landsbyggðinni
Eru að vakta stöðuna í bólusetningum barna
Tveggja mánaða flandur um Nýja-Sjáland
Gosopið gæti stækkað á ný: „Eitthvað í aðsigi“