Sér eftir brjóstastækkuninni

Tískudrottningin Victoria Beckham segist sjá eftir því að hafa gengist undir brjóstastækkun, enda telur hún að það hafi verið merki um óöryggi.

Beckham greindi frá þessu í bréfi sem hún skrifaði sínu yngra sjálfi, en það birtist í októberhefti tískuritsins Vogue UK. Greinin fór aftur á flug eftir að tímaritið deildi pistlinum á nýjan leik.

„Ég ætti líklega að segja, ekki eiga við brjóstin á þér,“ sagði Beckham í bréfinu.

„Ég afneitaði því í öll þessi ár, sem var heimskulegt. Þetta var merki um óöryggi. Vertu bara ánægð með það sem þú hefur.“

Í bréfinu segir Beckham einnig frá sínum fyrstu kynnum af eiginmanninum, David Beckham, og hvernig hún trylltist af gleði þegar hann bað um símanúmerið hennar.

Frétt mbl.is: Skrifaði bréf til sjálfrar sín

Victoria Beckham sér eftir því að hafa gengist undir brjóstastækkun. AFP

• Blogga um frétt