Lindsay Lohan hefur lýst yfir áhuga á að fara með hlutverk Ariel í leikinni kvikmynd um litlu hafmeyjuna sem væntanleg er á næstunni.
Eins og fram kemur í frétt Daily Mail birti leikkonan færslu á Instagram þar sem hún stakk upp á því að yngri systir hennar, Ali Lohan, myndi syngja titillag myndarinnar og að Bill Condon myndi leikstýra herlegheitunum.
Færslunni hefur hins vegar verið breytt og má núna einungis sjá orðin „litla hafmeyjan“ við hana.
Lohan hefur mikið verið á milli tannanna á fólki undanfarið, en margir veltu því fyrir sér hvort hún hefði tekið upp íslamstrú. Þá hafði leikkonan bæði verið að kynna sér Kóraninn auk þess sem hún var tekin upp á því að hylja hár sitt.
Frétt mbl.is: Lohan huldi hár sitt
Sjálf segir Lohan þó að hún hafi ekki tekið upp trúna, þrátt fyrir að hafa kynnt sér hana.
„Það er ferli að skipta um hvaða trú sem er. Ég virði öll trúarbrögð en ég hef skoðað íslamstrú upp á síðkastið,“ greindi Lohan frá á dögunum.