Margir velta því fyrir sér hvort leikkonan Lindsay Lohan hafi tekið upp íslamstrú, en á dögunum eyddi hún öllum færslum sínum á Instagram og skildi eftir sig arabísku kveðjuna „Alaikum Salam“ sem þýða má sem „friður sé með þér“.
Frétt mbl.is: Tók Lohan upp íslamstrú?
Nú hefur orðrómurinn fengið byr undir báða vængi, en Lohan huldi hár sitt á þegar hún heimsótti verslunarmiðstöð í Tyrklandi, eins og fram kemur í frétt Daily Mail. Hvorki leikkonan né talsmaður hennar hafa þó staðfest að hún hafi tekið upp trúna.
Á síðasta ári var greint frá því að Lohan væri að kynna sér Kóraninn, en leikkonan hefur lýst því yfir að hún sé verulega andlega þenkjandi.
Frétt mbl.is: Lindsay Lohan kynnir sér Kóraninn