Cranborne-skólinn í Dorset í Bretlandi hefur þurft að hætta við útiíþróttadag og bannað nemendum að leika sér úti á túni vegna kanína. Dæmi eru um að nemendur hafi meitt sig eftir að hafa dottið um kanínuholur.
Mirror greinir frá því að ýmislegt hafi verið reynt til þess að fæla kanínurnar frá en ekkert gengið. „Við höfum alltaf deilt túninu með loðnu vinum okkar en þetta ár eru þeir töluvert fleiri en verið hefur og þeir grafa endalaust af holum. Jafnharðan og við fyllum holurnar eru fleiri grafnar,“ sagði Craig Watson, kennari við skólann.