Það er ekki bara mannfólkið sem getur lent í því að fá uppsagnarbréf, en sjefferhundurinn Gavel þótti of vinalegur fyrir lögregluna í Queensland í Ástralíu.
Samkvæmt Huffington Post vildi Gavel frekar liggja og láta klappa sér en að þefa upp sprengjur. Hann var því rekinn úr 16 mánaða þjálfunarprógrammi lögreglunnar.
Á meðan þjálfuninni stóð bjó Gavel í bústað ríkisstjóra Queensland. Ríkisstjórinn Paul de Jersey ákvað því að taka Gavel að sér eftir að hann var rekinn úr lögreglunni. Gavel er því opinber starfshundur enn þá en hann nýtur mikilla vinsælda hjá gestum ríkisstjórans þar sem hann tekur á móti gestum og er viðstaddur opinberar athafnir.
A post shared by Governor of Queensland (@qldgovernor) on Feb 21, 2017 at 10:46pm PST