Haldið ykkur fast, fyrsta stiklan úr nýjustu Star Wars-myndinni, The Last Jedi, sem er í fullri lengd, er orðin opinber. Hún var frumsýnd í Bandaríkjunum í gærkvöldi og tóku Star Wars-aðdáendur andköf.
Stórbrotið landslag og spenna einkenna stikluna og ljóst er að átökin halda áfram í þessari mynd. Ætli spennan hafi nokkurn tímann verið meiri?
Setningar eins og „ég óttaðist ekki nógu mikið þá, en ég mun gera það núna,“ hljóma í myndinni og auðvitað ýmsar aðrar áhrifaríkar og góðar.
Star Wars-myndin, The Last Jedi, verður frumsýnd í desember.