Hundur dó úr ástarsorg

Hundurinn var þunglyndur.
Hundurinn var þunglyndur. skjáskot/Mirror

Hundar eru tryggir félagar svo tryggir reyndar að þeir geta drepist úr ástarsorg eftir að húsbændur þeirra yfirgefa þá. Það kom að minnsta kosti fyrir hund sem var skilinn eftir á flugvelli í Kólumbíu. 

Mirror greinir frá hundi sem hélt til á flugvelli í mánuð þangað til að honum var bjargað og settur í dýraskýli. Hjálpin kom þó of seint en hundurinn drapst stuttu seinna. 

Eftir að hafa verið skilinn eftir á flugvelli rölti hundurinn dögum saman um flugvöllinn í leit að eiganda sínum en talið er að eigandinn hafi farið í flug. Að lokum gafst hundurinn þó upp og eyddi síðustu dögunum liggjandi út í horni á flugvellinum. 

Ferðalangar gáfu honum að éta en á endanum hætti hann að éta og þegar hann fékk meðhöndlun gekk það ekki. Dýralæknir sem meðhöndluðu hann segja að ástæða dauðans hafi verið þunglyndi sem stafaði af því að eigandi hundsins skildi hann eftir. 

mbl.is