Katrín hertogaynja mun samkvæmt heimildarmanni Us Weekly halda annað steypiboð fyrir svilkonu sína Meghan Markle. Meghan ferðaðist til New York um miðjan febrúar til að vera viðstödd steypiboð sem vinkonur hennar héldu fyrir hana.
Seinna steypiboðið verður haldið í Bretlandi og verður það minna í sniðum heldur en það sem haldið var í New York. Ekki er von á stórstjörnum eins og Serenu Williams, Amal Clooney og Gayle King heldur verður boðið fyrir konungsfjölskylduna og nána vini hennar.