Segir Meghan haga sér eins og Kim Kardashian

Paul Burrell, fyrrum bryti Díönu prinsessu, segir að Meghan Markle þurfi að passa hvernig hún kemur fram í fjölmiðlum. Í viðtali við The Sun segir hann hana haga sér meira eins og Kim Kardashian heldur en eina af konungsfjölskyldunni. 

Meghan eyddi nýverið nokkrum dögum í New York þar sem vinkonur héldu steypiboð fyrir hana. Kostnaður við boðið var mikill en vinkonur hennar, meðal annars Serena Williams og Amal Clooney borguðu reikninginn. 

Burrell segir að það muni reita mág hennar Vilhjálm Bretaprins til reiði að fjölmiðlar hafi fjallað svo mikið um barnagleðina og kostnaðinn við hana. Hann segir Vilhjálm hafa unnið að því síðustu ár að láta konungsfjölskylduna líta út fyrir að vera hógværa í fjölmiðlum. Þessi umfjöllun hafi gengið þvert á þá vinnu.

Frétt af mbl.is

Svona var steypiboð Meghan

Eiginkona Vilhjálms, Katrín hertogaynja, hélt lágstemmt steypiboð áður en hún eignaðist þeirra fyrsta barn.

Þó Vilhjálmur umgangist fjöldann allan af stjörnum þá eru þau ekki vinir hans heldur samstarfsfélagar. Burrell segir að Meghan skilji ekki muninn á því að vera konungsborin og að vera stjarna.

Burrell segir að Meghan geti reitt mág sinn, Vilhjálm Bretaprins, til reiði. AFP

• Blogga um frétt