Prímadonnur á þingi

„Ég hef að vísu verið innan um listamenn alla ævi en aldrei kynnst í þeirra röðum öðrum eins prímadonnum og athyglisfíklum og sumir þingmenn eru óneitanlega. Það tilheyrir bara en öll sú samkeppni átti ekki við mig,“ segir rithöfundurinn og fyrrum þingmaður Samfylkingarinnar, Guðmundur Andri Thorsson.

Hann segir að kosningabarátta Samfylkingarinnar í síðustu kosningum hafi ekki lánast vel og læmingjadeild flokksins hafi farið á kreik.

Spurður um læmingjadeildina segir Guðmundur Andri: „Þetta snýst kannski ekki beint um einstaka menn heldur meira ákveðinn hugsunarhátt sem getur heltekið besta fólk og kemur fram í ótta við að verða of stór og öflug, neikvæðni og innanhússerjum þegar fólk ætti heldur að standa saman.“

Ný bók er komin út eftir Guðmund Andra. Sú heitir Rimsírams og þar er að finna alls kyns hugleiðingar og lífsreglur.

Rætt er við Guðmund Andra í sunnudagsblaði Morgunblaðsins.

• 1 blogg um fréttina

Bloggað um fréttina

• Wilhelm Emilsson: List og pólitík