„Viðbjóðslega illa skrifaður skáldskapur“
Setja bókamerki
Bandaríski leikarinn Johnny Depp segir allar fréttir sem skrifaðar hafa verið um hann síðasta árið vera viðbjóðslega illa skrifaðan skáldskap. Depp er nú á kvikmyndahátíðinni í Cannes þar sem kvikmynd hans Jeanne du Barry var frumsýnd.
Depp ræddi við fjölmiðla í dag.
„Finnst mér ég hafa verið sniðgenginn núna? Nei, því ég hugsa ekki um Hollywood, ég hef enga þörf fyrir Hollywood,“ sagði Depp.
Hann sagði að það væru undarlegir tímar, þar sem allir þyrftu að haga sér á ákveðinn hátt. „Ef þú vilt lifa lífi þínu þannig segi ég bara gangi þér vel. Ég verð hinum megin,“ sagði Depp.
Hlaut hlýjar móttökur
Depp vann meiðyrðamál gegn fyrrverandi eiginkonu sinni, leikkonunni Amber Heard, á síðasta ári. Höfðaði hann mál gegn henni fyrir að ýja að því í pistli að hún væri þolandi heimilisofbeldis.
Missti hann hlutverk sitt í Harry Potter-kvikmyndunum Fantastic Beasts eftir að Heard steig fram.
Depp hlaut hlýjar móttökur í Cannes í gær og tóku fjöldi aðdáenda myndir af honum og með honum.
Skaut sex sinnum að feðginum á aðfangadagskvöld
Frambjóðendur skila inn listum í Hörpu
Strand skemmtiferðaskips kallar á erlenda aðstoð
Þyngri refsing fyrir að nauðga stjúpdóttur æskuvinar
Breytingar á skipulagi fréttadeildar RÚV
Hvorki sést áður hér á landi né annars staðar