Davíð tekur auðmjúkur við keflinu af Matta í Hatara
Setja bókamerki
Davíð Þór Katrínarson er nýr liðsmaður í Hatara. Eftir langt og strangt inntökuferli var hann valinn sem arftaki Matthíasar Tryggva Haraldssonar sem sem hefur snúið sér að öðrum verkefnum. Davíð kom fram í fyrsta sinn í nýju hlutverki á Iceland Airwaves-tónlistarhátíðinni á fimmtudaginn.
„Þetta var langt ferli. Ég vissi að það væri stöðugildi innan Svikamyllu ehf. sem þyrfti að fylla og sótti um stöðuna. Ég afsalaði Svikamyllu rétti á eigin röddu og líkindum og eftir margar umferðir af viðtölum og hverskyns viðhorfskönnunum tók stjórnin þá ákvörðun að ég væri hæfastur í starfið, eftir að hafa sigrað píp-testið. Það eru mjög spennandi tímar framundan. Ég tek auðmjúkur við keflinu,“ segir Davíð.
Davíð er menntaður leikari og hefur starfaði í tónlist síðastliðin 15 ár. Nú á hins vegar Hatara-verkefnið hug hans allan. „Ég kem inn sem flytjandi en líka með listræna innspýtingu. Það er mikið af nýju efni á leiðinni,“ segir Davíð.
Hvernig leið þér á tónleikunum í gær?
„Þetta var bara frábært, það var mjög gaman að spreyta sig á þessu. Þetta gekk allt samkvæmt áætlun.“
Hvað gerðir þú eftir tónleikana?
„Ég fór heim eftir tónleika, fór að sofa og vaknaði mjög hress í morgun. Ég er samningsbundinn að lifa eins heilbrigðu líferni og kostur er.“
Varstu aðdáandi áður en þú byrjaðir að koma fram með Hatara?
„Já, ég hef verið aðdáandi Hatara og Svikamyllu ehf. og finnst þau hafa unnið mjög gott starf síðan 2016. Bæði pólitískt starf og félagsstarfið er einnig gott, þau gefa mikið til baka til samfélagsins,“ segir Davíð.
Bergnuminn í Hvalfirði
Bregðast við vopnahléstillögu á morgun
Rothissa á vinnubrögðum forystu BÍ
Norskur lögreglumaður dæmdur
/frimg/1/29/32/1293273.jpg)
Ekki af baki dottinn og ætlar að opna B5 aftur
Þyngri refsing fyrir að nauðga stjúpdóttur æskuvinar