Varð Íslandsvinur á covid-tímanum
Setja bókamerki
Bandaríski spennusagnahöfundurinn Dan Brown er staddur hér á landi vegna bókmenntahátíðarinnar Iceland Noir. Þegar Morgunblaðið náði tali af honum í vikunni hafði hann farið í þyrluflugferð yfir jökla landsins og rætt við íslenska rithöfunda og aðra gesti hátíðarinnar. Óhætt er að segja að Brown hafi verið hæstánægður með heimsóknina sem er reyndar síður en svo sú fyrsta hjá honum.
„Ég kom tvisvar fram á hátíðinni og þetta var afskaplega skemmtilegt. Ragnar og Yrsa eru orðin mjög góðir vinir mínir og ég hef hitt fleira fólk, til dæmis Áslaugu ráðherra,“ segir Brown.
Vísar hann þar til Ragnars Jónassonar og Yrsu Sigurðardóttur, hinna vinsælu spennusagnahöfunda okkar sem hafa haft veg og vanda af skipulagningu Iceland Noir frá upphafi. Ragnar og Yrsa spurðu Brown einmitt spjörunum úr á sérstökum viðburði í Fríkirkjunni í Reykjavík á fimmtudagskvöldið. Meðal viðfangsefna voru bækur Dans Brown og bíómyndir sem hafa verið gerðar eftir þeim, ný bók hans sem væntanleg er á næsta ári og það hvernig hann skrifar bækur sínar. „Ég reyni bara að svara heiðarlega,“ segir hann spurður um samræður rithöfundanna þriggja.
Rætt var við Dan Brown í laugardagsblaði Morgunblaðsins.
Þyngri refsing fyrir að nauðga stjúpdóttur æskuvinar
Færri nota rafhlaupahjól eftir djammið
Forsetinn líti yfir axlirnar á þingheimi
Fimm dauðir hvolpar fundust í poka
Norskur lögreglumaður dæmdur
Rothissa á vinnubrögðum forystu BÍ
Fjallabak, Sprengisandur og niður í Eyjafjörð