„Lewis bjargaði lífi mínu“
Setja bókamerki
Greint var frá andláti bandaríska leikarans og uppistandarans Richard Lewis í vikunni. Hann lést 76 ára að aldri af völdum hjartaáfalls. Margir hafa minnst Lewis á samfélagsmiðlum. Einn þeirra er fyrrverandi framleiðandi „Ellen DeGeneres Show“, Andy Lassner, en áhorfendur spjallþáttarins muna trúlega eftir honum.
Í kveðjuorðum sínum til Lewis segir Lassner leikarann hafa „bjargað lífi sínu“. Lassner barðist við eiturlyfjafíkn á níunda og tíunda áratug síðustu aldar.
Lassner minntist þess þegar Lewis hljóp á eftir honum í Los Angeles og krafðist þess að hann tæki símanúmerið sitt. „Hringdu í mig á morgun, láttu mig vita að þú sért í lagi,“ skrifaði hann um fyrstu kynni sín af Lewis. Lassner gaf eftir og lét leikarann fá símanúmerið. „Lewis hringdi á hverjum degi, öllum stundum,“ útskýrði Lassner.
Þegar botninum var náð reyndist Lewis stór og ómetanlegur hluti af bataferli Lassner. „Ég var innilokaður á hótelherbergi á Sunset Boulevard. Lewis hringdi. Það næsta sem ég man er að það var bankað á dyrnar. Hver annar en Lewis var mættur.“
Lassner greindi einnig frá því að Lewis hafi boðið honum inn á heimili sitt og var sá sem sá til þess að koma honum í meðferð. „Það var þarna sem ég náði mér á strik.“
„Fólk þolir óvissu í ákveðinn tíma“
Stofna framkvæmdanefnd um málefni Grindavíkur
„Byggja varnargarð utan um fólkið okkar“
90% samþykktu verkfallsaðgerðir
Um 5.000 milljarðar í enduruppbyggingu
Olíufélögin fái milljarða í afslátt frá borginni
Ótímabundin leyfi verði líklega ekki gefin út
