Söngvarinn og Grammy verðlaunahafinn, Harry Styles, og kanadíska leikkonan Taylor Russell eru hætt saman eftir eins árs samband. Heimildarmenn segja að þau hafi átt í sambandserfiðleikum eftir að hafa ferðast saman til Japan í apríl á þessu ári. Síðan þau komu heim úr ferðinni hafa þau verið hvort í sínu lagi.
Sögusagnir um sambandsslit þeirra fóru á flug þegar Russell mætti án Styles á Met Gala-hátíðina sem fram fór í byrjun maí. Met Gala er einn af stærstu tískuviðburðum ársins sem haldinn var í New York-borg. Russell var stórglæsileg klædd sérsniðnu lífstykki og síðu silki pilsi.
Heimildarmenn People segja að Styles hafi kolfallið fyrir Russell í júní á síðasta ári og samband þeirra hafi verið í blóma þar sem þau sáust mikið saman bæði í London og í Bandaríkjunum.
Parið hélt sambandinu hins vegar ávallt frá sviðsljósinu.
Áður en Styles og Russell hnutu um hvort annað átti hann í tveggja ára sambandi við Hollywood gyðjuna Oliwiu Wailde en samband þeirra slitnaði í nóvember 2022.