Leikvöllur fyrir ellilífeyrisþega

Leikvöllur þar sem krökkum er bannaður aðgangur og aðeins ellilífeyrisþegar mega vera hefur verið opnaður í Þýskalandi. 1.800.000 króna útileikvöllurinn í Preussen garði í Berlín hefur sérstök æfingatæki fyrir eldri borgarana ásamt venjulegum klifurklettum og rennibrautir.

Renate Zeumer sem rekur Playfit, fyrirtækið sem hannaði leikvöllinn, segist hafa fengið hugmyndina að leikvellinum þegar hún sá hversu mikil virðing væri borin fyrir þeim sem eldri eru í Kína.

„Ég tók eftir því hvernig fólk æfði sig í görðunum og á götunum og datt í hug að eitthvað líkt því gæti komið að gagni hér heima,” sagði Renate.

Sumir leikvallargestir hafa þó kvartað yfir því hversu erfitt er að fara um völlinn á þessum aldri og tvær eldri konur festu göngugrindurnar sínar í undirlagi leikvallarins. Frá þessu var skýrt á fréttavefnum Ananova.

• 1 blogg um fréttina

Bloggað um fréttina

• Baldur Kristjánsson: Leiktæki og gamalt fólk