Kærður 48 sinnum fyrir sama glæp

Kelly Gene Gibson frá Fort Wayne í Indiana-ríki í Bandaríkjunum, hefur verið kærður fyrir sama glæp alls 48 sinnum síðan árið 1992. Auðvelt er að sjá hver þessi glæpur er á nýrri mynd lögreglunnar af Gibson.

Á myndinni er andlit Gibsons út atað silfurlitaðri málningu og er ljóst að Gibson var rammskakkur þegar myndin var tekin eftir að hafa andað að sér málningargufu.

Forsaga myndarinnar af Gibson er ansi skrautleg. Að sögn fjölmiðla hafði Gibson farið að anda að sér málningargufu eftir rifrildi við eiginkonu sína. Þegar lögreglumaður bar að garði angaði öll íbúð Gibsons af málningarlykt. Gibson sat í makindum sínum ber að ofan á sófa, með málningu yfir höndum og andliti.

• 1 blogg um fréttina

Bloggað um fréttina

• Helgi Halldórsson: Ekki benda á mig