Þúsundir mótmæla komu Bush til Indónesíu

Þúsundir mótmælenda hafa komið sér fyrir úti á götum Djakarta, höfuðborgar Indónesíu, til þess að mótmæla komu George W. Bush Bandaríkjaforseta til landsins.

Utanríkismálastefna Bandaríkjanna hefur reitt marga hópa í Indónesíu til reiði, en landið er fjölmennasta múslímaríki heims.

Þrátt fyrir það er Indónesía mikilvægur bandamaður Bandaríkjanna í þessum heimshluta og tengsl ríkjanna eru sterk.

Búist er við því að viðræður Bush og leiðtoga Indónesíu muni m.a. snúast um samstarf á sviði öryggismála og hvernig Bandaríkin geti veitt Indónesíu efnahagsaðstoð.

Hundruð lögreglumanna stilltu sér upp við forsetahöllina í Djakarta þegar mótmælendurnir komu sér fyrir í gær til þess að mótmæla komu Bandaríkjaforseta.

• 1 blogg um fréttina

Bloggað um fréttina

• Hlynur Hallsson: Ég hélt að Bush hefði bjargað Indónesíu!