Ályktun um slit stjórnmálasambands Rússlands og Eistlands samþykkt einróma

Efri deild rússneska þingsins hefur samþykkt einróma tillögu um að slíta stjórnmálasambandi við Eistland í refsiskyni vegna styttu af rússneskum hermanni sem fjarlægð var úr miðborg Tallinn í nótt. Hvarf styttunnar hefur vakið mikla reiði meðal Rússa og rússneskumælandi Eistlendinga, en einn lést í nótt og tugir slösuðust í óeirðum vegna málsins í nótt.

Í ályktuninni, sem er ekki bindandi, samþykktu rússneskir þingmenn tilllögu þar sem þess er krafist að rússneskir leiðtogar grípi til harðra aðgerða, þar á meðal slit stjórnmálasambands. Segir að viðbrögð Rússa eigi að sína að Rússland nútímans sætti sig ekki við „ósiðmenntað viðhorf eistneskra stjórnvalda gagnvart minningu þeirra sem unnu sigur á fasisma”.

Aðrir embættis menn á borð við Konstantín Kosatsjof, sem fer með utanríkismál neðri deildar þingsins og talsmaður utanríkisráðuneytis Rússa, Mihaíl Kamynín, hafa einnig krafist harkalegra aðgerða.

• 1 blogg um fréttina

Bloggað um fréttina

• Oddgeir Einarsson: Rússar ættu að biðjast afsökunnar