Ítalskur leyniþjónustumaður dæmdur í tíu ára fangelsi

Æðsti áfrýjunardómstóll á Ítalíu staðfesti í dag tíu ára fangelsisdóm sem fyrrum yfirmaður leyniþjónustu landsins hafði hlotið fyrir samkrull við mafíuna á Sikiley. Bruno Contrada er 77 ára og var handtekinn 1992 eftir að hafa verið nefndur af fjölmörgum uppljóstrurum mafíunnar.

Einn frægasti uppljóstrari mafíunnar, Tommaso Buscetta átti þátt í þessu máli en hann var lykilvitni í stærsta máli sem flutt var gegn mafíunni 1984.

Buscetta sem lést 2000, hafði sakað Contrada um tengsl við fræga guðföður mafíunnar, Tota Riina.

Contrada hefur ávalt haldið fram sakleysi sínu.

• 2 blogg um fréttina

Bloggað um fréttina

• Millablog: Þjóðarsorg á Sikiley
• Þorsteinn Gunnarsson: Er hann þá ekki löngu búinn að afplána?