Pólsk yfirvöld rannsaka hvort Stubbarnir séu samkynhneigðir

Stubbar í stuði.
Stubbar í stuði.
Umboðsmaður barna í Póllandi sagði í dag að hún væri að rannsaka hvort aðalpersónurnar í bresku barnaþáttunum „Stubbarnir“ (e. Teletubbies) ýti undir samkynhneigð.

„Það væri gott fyrir hóp sálfræðinga að ræða við börn um þetta. Við verðum að rannsaka þetta. Ef ýtt hefur verið undir óviðeigandi viðhorf, þá verðum við að bregðast við,“ sagði Ewa Sowinska.

Í viðtali sem var birt í fréttatímaritinu Wprost, sem gefið er út vikulega, segir Sowinska að persónan Tinky Winky sé í brennidepli.

Talið er að hinn breiði og fjólublái Tinky Winky sé karlkyns, en hann ber hinsvegar handtösku.

„Ég hef heyrt að þetta gæti verið leynileg vísun í samkynhneigð,“ segir Sowinska.

Varaforseti pólska þingsins, Ludwik Dorn, sem er íhaldssamur kaþólikki, ávítaði Sowinsku, og sagði við hana að hún ætti að forðast það að vera með opinberar yfirlýsingar sem þessar sem gætu orðið til þess að láta embætti umboðsmanns barna líta „fáránlega út“.

Þættirnir um Stubbana litríku, Tinky Winky, Dipsy, Laa-Laa and Po, voru frumsýndir í breska ríkissjónvarpinu árið 1997.

Síðan þá hafa þættirnir verið sýndir í 120 löndum og þýddir yfir á 45 tungumál.

Þegar þættirnir voru frumsýndir í Bandaríkjunum tók kristilegi leiðtoginn Jerry Falwell einnig eftir handtöskunni sem Tinky Winky bar. Falwell sagði persónuna ýta undir „samkynhneigða lifnaðarhætti“ árið 1999. Ummæli hans urðu hinsvegar til þess að samkynhneigðir Bandaríkjamenn þustu út í búð til þess að kaupa sér Teletubbies-vörur.

mbl.is

Bloggað um fréttina

Frá Sýrlandi til Evrópu - Greinaflokkur

Tanktaska á Kawasaki KLR 650
Original taska sem aldrei hefur verið sett á hjól. Verð 20þ Upplýsingar í síma ...
Hústjald til sölu
Danskt hústjald Trio Telt af gerðinni Haiti er til sölu. Tjaldið er yfir 30 ár...
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...
Til leigu snyrtilegt og bjart 120 fm
atvinnuhúsnæði vestast á Kársnesi. Leigist eingöngu fyrir lager eða þ.h. uppl...
 
Maat á umhverfisáhrifum
Tilkynningar
Mat á umhverfisáhrifum Athu...
Rafræn kosning hofsprestakall
Tilkynningar
Auglýsing um prestskosningu í Hofspr...
Reikningsskiladagur
Fundir - mannfagnaðir
Reikningsskiladagur FLE Föstudagur...
Eldri borgarar
Staður og stund
Aflagrandi 40 Hjá okkur er opin vinnusto...