Fellibylurinn Dean nær landi á Jamaica

Fellibylurinn Dean gengur nú yfir eyjuna Jamaica og fylgir honum mikil úrkoma. Forsætisráðherra Jamaica ítrekaði í kvöld beiðni sína um að fólk yfirgæfi heimili sín og færi í neyðarskýli en margir íbúar á eyjunni hafa hunsað tilmæli stjórnvalda. Hins vegar hafa ferðamenn farið að fyrirmælunum og eru flestir þeirra komnir í öruggt skjól. Þegar hafa átta manns látist af völdum fellibyljarins á eyjum í Karbíahafi.

Einhverjar fregnir hafa borist um skemmdir á húsnæði á Jamaica en stjórnvöld hafa sett um yfir eitt þúsund neyðarskýli á laggirnar í skólum, kirkjum og íþróttasölum. Hins vegar voru einungis 47 skýli orðin full þegar stormurinn náði ströndum Jamaica í kvöld og því ljóst að fáir íbúar hafa farið að óskum stjórnvalda um að yfirgefa heimili sín þrátt fyrir margítrekuð fyrirmæli þar um.

• 1 blogg um fréttina

Bloggað um fréttina

• Benedikt Halldórsson: Fellibyljir, Hitler og Júdas