Beðið eftir stormi á austurströnd Englands

Hundruð manna hafa þurft að rýma heimili sín á austurströnd Englands vegna flóðaviðvörunnar. Stormur er að myndast í Norðursjó og niður með vesturströnd Evrópu og er búist við allt að 2,7 metra hárri flóðbylgju.

Flóðbylgjan verður væntanlega lítið eitt lægri en árið 1953, en þá skall flóðbylgja á ströndum Bretlands og létust þá hundruð manna. Bresk lögregla býst við því að hættan verði mest fyrrihluta dags í dag og að bærinn Great Yarmouth í Norfolk verði verst úti.

Ógnvaldurinn er lægð sem er á leið niður Norðursjó frá Íslandi og segja veðurfræðingar skiliyrðin sem nú eru að myndast vera afar sjadgæf.

Lokað hefur verið fyrir skipaumferð í Thames og samskonar viðvaranir hafa verið gefnar út í Noregi, Þýskalandi og Hollandi. Olíuborpallar hafa verið rýmdir, skipaumferð stöðvuð og flóðhliðum lokað.

Lokað hefur verið fyrir skipaumferð til Rotterdam frá hafi AP

• 1 blogg um fréttina

Bloggað um fréttina

• Markús frá Djúpalæk: London here I come