Gore tók lestina til Ósló

Al Gore, fyrrum varaforseti Bandaríkjanna, kom til Óslóar í morgun til að taka við friðarverðlaunum Nóbels, sem afhent verða á mánudag. Að sögn AFP fréttastofunnar sýndi Gore umhverfisvitund sína í verki með því að taka flugvallarlestina frá Gardemoenflugvelli til höfuðborgar Noregs.

Að sögn norskra sjónvarpstöðva kom Gore ásamt fjölskyldu sinni til Ósló í morgun og ætlar að verja helginni í borginni.

Gore fékk friðarverðlaunin ásamt loftslagsnefnd Sameinuðu þjóðanna fyrir að vekja athygli á þeirri vá sem er fyrir dyrum vegna hlýnunar andrúmsloftsins. 

• 2 blogg um fréttina

Bloggað um fréttina

• Markús frá Djúpalæk: Reykspúandi olíubrennari
• Ólafur Ingi Sigurgeirsson: stórfrétt?