Bush bjartsýnn á friðarsamkomulag

George W. Bush, Bandaríkjaforseti, segir í viðtali sem birt er í ísraelska dagblaðinu Yediot Ahronot, að hann sé bjartsýnn á að Ísraelar og Palestínumenn geti komist að friðarsamkomulagi áður en hann lætur af störfum eftir ár.

Bush kemur til Ísraels í næstu viku og segist ætla að nýta tíma sinn í Miðausturlöndum til að efla andstöðu á svæðinu við kjarnorkuáætlun Írana.

Ísraelar og Palestínumenn samþykktu á fundi um málefni Miðausturlanda í Bandaríkjunum í nóvember að hefja að nýju friðarviðræður. Bæði Ehud Olmert, forsætisráðherra Ísraels, og Mahmoud Abbas, forseti heimastjórnar Palestínu, segjast vona að samkomulagi verði náð fyrir lok þessa árs.

• 1 blogg um fréttina

Bloggað um fréttina

• Hlynur Hallsson: Bjartsýnn á að Ísraelsstjórn fari að lögum