Dregur úr flugskeytaárásum
Setja bókamerki
Mjög hefur dregið úr flugskeytaárásum herskárra Palestínumanna á Gasasvæðinu yfir landamærin til Ísraels. Frá því á fimmtudag hefur einungis einu til tveimur flugskeytum verið skotið yfir landamærin daglega en í lok febrúar var um 50 flugskeytum skotið á Ísrael á hverjum degi. Þetta kemur fram á fréttavef Ha’aretz.
Þessa þróun má rekja til fyrirmæla forsvarsmanna Hamas-samtakanna á Gasasvæðinu. Ísraelskir fréttaskýrendur velta því fyrir sér hvort yfirvöld í Ísrael hafi náð einhvers konar leynilegu samkomulagi við Hamas-samtökin sem ráða Gasasvæðinu en telja það ólíklegt.
Líklegra þykir að um einhliða ákvörðum Hamas samtakanna sé að ræða sem m.a. megi rekja til þrýstings frá Egyptalandi. Þá segja þeir að erfitt sé fyrir Ísraela að halda áfram hernaðaraðgerðum á Gasasvæðinu þegar flugskeytaárásunum hefur verið hætt.
Mun fleiri horfðu til Höllu en Katrínar í könnun
Má mikið breytast ef Halla verður ekki forseti
„Skoðanakannanirnar eru ekkert alveg með þetta“
/frimg/1/49/60/1496092.jpg)
„Það er ekki leiðum að líkjast“
6,6% hafa kosið í Suðvesturkjördæmi
Of mikið af veganmat og hurð í andlitið
„Sérstök upplifun að kjósa sjálfan sig“