40 ár frá morðinu á King

Þess er minnst í Bandaríkjunum í dag að 40 ár eru liðin frá því að mannréttindafrömuðurinn Martin Luther King var ráðinn af dögum. Orðin „ég á mér draum,“ sem hann lét falla í ræðu í Washington 1963 mörkuðu tímamót í baráttunni fyrir kynþáttajafnrétti í Bandaríkjunum.

Börn Kings lögðu blómsveig á leiði hans og konu hans, Coretta Scott King, í Atlanta, og í Memphis, þar sem hann var myrtur, var hans minnst með viðhöfn.

John McCain, Barack Obama og Hillary Clinton, sem berjast um að verða næsti forseti Bandaríkjanna, minntust Kings öll í ræðum í dag.

King var 39 ára er hann var myrtur. Strokufangi, James Earl Ray, var fundinn sekur um morðið og dæmdur í 99 ára fangelsi. Margir halda því þó fram, að um samsæri hafi verið að ræða, og að Ray hafi ekki verið einn að verki.

• 3 blogg um fréttina

Bloggað um fréttina

• Stefán Friðrik Stefánsson: Fjórir áratugir frá morðinu á Martin Luther King
• Sigurpáll Ingibergsson: Pride (in the Name of Love)
• Níels A. Ársælsson.: Martin Luther King / Ron Paul [Youtube banned this clip]