Einkatölvur orðnar löglegar á Kúbu

Fyrstu löglegu einkatölvurnar eru komnar á markað á Kúbu, en netaðgangur er þó enn bannaður. Nýr forseti landsins, Raúl Kastró, hefur undanfarið aflétt ýmsum boðum og bönnum í daglegu lífi almennings á Kúbu.

Mikill mannfjöldi safnaðist saman við Carlos III verslunarmiðstöðina í Havana í gær til að berja dýrðina augum, en fæstir höfðu þó efni á að kaupa tölvu.

Verð á borðtölvum er sem svarar um 60.000 krónum, en meðalmánaðarlaun á Kúbu eru sem svarar um 1.500 krónum.

Frá þessu greinir fréttavefur BBC.

Frá því að Raúl Kastró, bróðir Fídels, tók við forsetaembættinu í febrúar hefur hann aflétt ýmsum bönnum á neysluvörum. Þúsundir Kúbverja hafa undanfarið keypt sér farsíma og DVD-spilara, sem þeir ekki máttu kaupa í forsetatíð Fídels.

Aðgang að netinu er þó enn einungis að hafa á nokkrum vinnustöðum, skólum og háskólum í landinu. Stjórnvöld segja helstu ástæðu þess vera að vegna viðskiptabanns Bandaríkjanna á landið geti Kúbverjar ekki tengst neðansjávarljósleiðarakerfinu, og netsamband sé því einungis um gervihnetti, þar sem bandvídd sé takmörkuð og dýr.

• 6 blogg um fréttina

Bloggað um fréttina

• Jónas Egilsson: Draumalandið?
• Stefán Friðrik Stefánsson: Sama gamla einræðiskúgunin á Kúbu
• Rúnar Sveinbjörnsson: Kúba er skírt dæmi um andlýðræðislega framkomu Bandaríkjanna.
• Snorri Bergz: Lifi kommúnisminn!
• Jac Norðquist: Hvaða.....
• Steinunn Þórisdóttir: Vvvvváááááá