Matarflutningum til Gasa aftur hætt

Flóttamannahjálp Sameinuðu þjóðanna (UNRWA) hefur tilkynnt að  matvælaflutningar til Gasasvæðisins verði tímabundið hætt vegna eldaneytisskorts. Ísraelar lokuðu í morgun tveimur landamærastöðvum á milli Ísraels og Gasasvæðisins eftir að flugskeytaárásir höfðu verið gerðar á þær frá Gasasvæðinu. Þetta kemur fram á fréttavef BBC. 

1,1 milljón manna á Gasasvæðinu fær reglulega matvælaaðstoð frá UNRWA og um 80% íbúa Gasasvæðisins treysta svo til alfarið á mataðstoð til að sjá sér farborða. UNRWA hætti matvælaflutningum til Gasasvæðisins í nokkra daga fyrir tveimur vikum vegna eldsneytisskorts á Gasasvæðinu en Ísraelar hafa takmarkað mjög aðgang að Gasasvæðinu eftir að Hamas-samtökin tóku völdin þar á síðasta ári.

• 1 blogg um fréttina

Bloggað um fréttina

• Óskar Þorkelsson: Hetjudáðum ísraela ætlar aldrei að linna