Enn einn sigur alls Rússlands

Bæði Dmitrí Medvedev, forseti Rússlands, og Vladímír Pútín, forsætisráðherra, hafa sent rússnesku poppstjörnunni Dima Bilan heillaóskir eftir að hann vann Eurovision söngvakeppnina í gær.  „Þetta er ekki aðeins persónulegur sigur Dima Bilans heldur einnig enn einn sigur alls Rússlands," sagði Pútín.

Rússar urðu nýlega heimsmeistarar í íshokkí og rússneska knattspyrnuliðið  Zenit frá St. Pétursborg varð Evrópubikarmeistari. 

Medvedev hringdi í Bilan til að óska honum til hamingju og sagðist viss um að Eurovisionkeppnin í Rússlandi á næsta ári yrði afar vegleg.

Embættismenn í bænum Ust-Dzheguta við Kákasusfjöll sögðu í morgun að gata yrði nefnd eftir söngvaranum en hann er fæddur í bænum.  

• 2 blogg um fréttina

Bloggað um fréttina

• Sigurbjörn Friðriksson: Söngvakeppni Vestur-Evrópuþjóðanna!
• Jac Norðquist: Verð að viðurkenna....