Barnaníð í Texas

Í gluggalausu rými, sem áður hýsti barnagæslu, í litlum bæ í Texas voru börn niður í fimm ára látin gleypa sterk verkjalyf og sýna kynlífsiðkun fyrir framan hóp af fullorðnu fólki. Tvær manneskjur hafa þegar játað sök í málinu og réttað verður yfir þeirri þriðju á morgun.

Patrick Kelly, 41 árs, er ákærður fyrir barnaníð og fyrir að skipuleggja glæp. Kelly á yfir höfði sér lífstíðarfangelsi verði hann fundinn sekur líkt og félagar hans, Jamie Pittman og Shauntel Mayo sem þegar hafa verið dæmdir í lífstíðarfangelsi í málinu.

Atburðirnir áttu sér stað í bænum Mineola, þar sem alls búa 5.100 íbúar. Fjögur börn, þrjú systkini og frænka þeirra voru látin sýna stórum hópum fólks kynlífsathafnir undir áhrifum sterkra lyfja. Rannsókn á málinu hófst árið 2005 eftir að fósturmóðir einnar stúlkunnar lét vita af því að stúlkan hegðaði sér undarlega í kringum fullorðna karlmenn. 

• 2 blogg um fréttina

Bloggað um fréttina

• Aðalsteinn Baldursson: Djö....... viðbjóður.
• Jóna Kolbrún Garðarsdóttir: Bara í Texas og Ameríku