90 saklausir borgarar féllu í loftárásum í Afganistan

Sendinefnd á vegum Sameinuðu þjóðanna í Afganistan segist hafa sannanir fyrir því að 90 saklausir borgarar, þar af 60 börn, hafi fallið í loftárásum Bandaríkjahers í landinu í síðustu viku.

Mannréttindateymi aðstoðarsendinefndar SÞ í Afganistan (UNAMA) heimsótti Shindand-hverfið í Herat-héraði landsins eftir að tugir féllu í loftárásum á föstudag.

„Rannsóknir UNAMA leiddu í ljós sannfærandi sönnunargögn, sem byggja á framburði sjónarvotta og annarra, að 90 óbreyttir borgarar létust, þar á meðal 60 börn, og 15 konur og 15 karlar,“ Kai Eide, fulltrúi SÞ, í yfirlýsingu.

Hamid Karzai, forseti Afganistans, lét einnig rannsaka loftárásina og niðurstöður rannsóknarnefndarinnar sem hann skipaði komst að því að fleiri hafi látið lífið í árásunum.

Aldrei hafa fleiri óbreyttir borgarar látist í hernaðaraðgerð frá því alþjóðasveitir komu til landsins árið 2001 til að koma talibanastjórninni frá völdum.

Her bandamanna sagði í fyrstu að aðeins 30 talibanar hefðu fallið. Þeir viðurkenndu hins vegar í dag að fimm saklausir borgarar, tvær konur og þrjú börn, hefðu verið meðal þeirra sem létust.

• 2 blogg um fréttina

Bloggað um fréttina

• Torfi Kristján Stefánsson: Svo gagnrýna menn Kínverja og Rússa!!
• Sigurbjörn Friðriksson: 90 mann myrtir í síðustu viku - EKKI FRÉTT!!!