ESB íhugar að beita Rússa refsiaðgerðum

Leiðtogar Evrópusambandsins íhuga nú að beita Rússa refsiaðgerðum vegna stríðsátakanna í Georgíu. Þetta sagði Bernard Kouchner, utanríkisráðherra Frakklands.

Kouchner útskýrði þetta ekkert frekari en bætti við að málið verði leyst við samningaborðið, segir á vef BBC.

Vesturveldin hafa fordæmt aðgerðir Rússa í Georgíu en einnig þá ákvörðun rússneskra stjórnvalda að viðurkenna sjálfstæði Georgíu-héraðanna Suður-Ossetíu og Abkasíu.

Dímítrí Medvedev Rússlandsforseti segist hins vegar njóta stuðnings Kína og fjögurra Mið-Asíu ríkja.

Medvedev sagði á ráðstefnu Samvinnustofnunar Sjanghæ að samstaða ríkjanna muni hafi áhrif á alþjóðavísu.

„Ég vona að þetta muni senda þau skilaboð til þeirra sem reyna að snúa svörtu í hvítt og réttlæta þessar aðgerðir,“ sagði forsetinn.

• 2 blogg um fréttina

Bloggað um fréttina

• Guðmundur Jónas Kristjánsson: Viðurkenna ber sjálfstæði Ossetíu og Abkasíu !
• Snorri Bergz: Rússar að einangrast