Landherinn bíður skipana

Ísraelar héldu árásum á Gaza-svæðið áfram í morgun, einn yfirmaður Hamas-samtakanna, Mohammad al-Jammal lést, árás var gerð á hafnarsvæðið og skólabygging eyðilögð. Að sögn Ísraela var Jammal ábyrgur fyrir öllum eldflaugaárásum frá Gazaborg.

Merki eru uppi um að yfirstandandi þáttur árásanna sé að ljúka þar sem Ísraelar eigi ekki mörg skotmörk eftir. Ísraelski landherinn bíður við landamærin að Gaza-svæðinu eftir merki um að ráðast inn á meðan alþjóðlegir leiðtogar hvetja til vopnahlés.

Ísrael hóf loftárásir fyrir viku síðan og hafa árásirnar orðið yfir 430 Palestínumönnum að bana, þar af fjölda almennra borgara. Fjórir Ísraelar hafa látið lífið og hafa Hamas-samtökin haldið eldflaugaárásum áfram á suðurhluta Ísraels.

• 4 blogg um fréttina

Bloggað um fréttina

• Guðjón Sigþór Jensson: Margt er líkt nú og í Warsjá
• Guðjón Heiðar Valgarðsson: Guð er brjálaður!
• Sigurður M Grétarsson: Gasa 2008-2009 = Lidice 1942
• Ástþór Magnússon Wium: Forsetahjón, Ólafur Ragnar og Dorrit, hversvegna svarið þið ekki?