Barak biðst afsökunar á árás

Ehud Barak, varnarmálaráðherra Ísraels, hefur beðið Ban Ki-moon, framkvæmdastjóra Sameinuðu þjóðanna afsökunar á  sprengjuárás Ísraelsmanna á höfuðstöðvar Flóttamannastofnunar SÞ í Gasasborg í morgun. Ban fordæmdi árásina í morgun og krafðist rannsóknar á henni. Þetta kemur fram á fréttavef Ha’aretz. 

Þúsundir Palestínumanna flýja nú heimili sín í borginni en Palestínumenn segja rúmlega þúsund manns hafa látið lífið í þriggja vikna hernaðaraðgerðum Ísraela á Gasasvæðinu .

Ban, sem er staddur í Ísrael, segir Barak hafa beðist afsökunar og sagt árásina mistök sem tekin væru mjög alvarlega. Palestínskur starfsmaður stofnunarinnar var skotinn til bana við Erez landamærastöðina á landamærum Ísraels og Gasasvæðisins í morgun. Segir talsmaður stofnunarinnar hann hafa ekið bíl sem var greinilega merktur stofnuninni og að atvikið hafi átt sér stað er landamærin voru opnuð í stutta stund til að hleypa matvælum og hjálpargögnum inn á Gasasvæðið. 

Tugir létu lífið er Ísraelsher gerði í síðustu viku loftárás á stúlknaskóla Sameinuðu þjóðanna í Jabalya, þar sem almennum borgurum hafði verið ráðlagt að leita skjóls. Eftir atvikið staðhæfði Ísraelsher að skotið hafi verið á ísraelska hermenn frá skólanum og að lík herskárra Palestínumanna hefðu fundist í honum að árásinni lokinni. Nokkrum dögum síðar greindu fulltrúar Sameinuðu þjóðanna frá því að Ísraelar hafi viðurkennt að ekki hafi verið rétt að skotið hafi verið frá skólanum.

Palestínumenn standa í rústum húss í Gasasborg sem Ísraelsher gerði ...
Palestínumenn standa í rústum húss í Gasasborg sem Ísraelsher gerði loftárás á. AP
mbl.is

Bloggað um fréttina

Frá Sýrlandi til Evrópu - Greinaflokkur

Tanktaska á Kawasaki KLR 650
Original taska sem aldrei hefur verið sett á hjól. Verð 20þ Upplýsingar í síma ...
Land Rover freelander 1999
til sölu er bilaður góður fyrir handlægin keyrður ca 140 þ, óska eftir tilboði ...
72 fm íbúð til leigu
Gullfalleg íbúð á Ásvallagötu 82, 101 Reykjavík. Íbúðin er 64 fm ásamt 10 fm gey...
 
Eldri borgarar
Staður og stund
Aflagrandi 40 Hjá okkur er opin vinnusto...
Framhalds uppboð
Nauðungarsala
Uppboð Einnig birt á www.naudungarsolu...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
L edda 6017091919 i fjhst
Félagsstarf
? EDDA 6017091919 I Fjhst Mynd af au...