Erlent | mbl | 29.3.2009 | 9:59 | Uppfært 10:21

Líf stjórnarinnar veltur á Fogh

Anders Fogh Rasmussen, forsætisráðherra Danmerkur Reuters

Útlit er fyrir að fylgið hrynji af danska stjórnarfloknum Venstre verði Anders Fogh Rasmussen, formaður hans og forsætisráðherra landsins, skipaður í embætti framkvæmdastjóra Atlantshafsbandalagsins NATO. Þetta kemur fram á fréttavef Berlingske Tidende.

Gert er ráð fyrir að Lars Løkke Rasmussen, taki þá við sem formaður flokksins og forsætisráðherra. Samkvæmt skoðanakönnun Gallupfengi danskra stjórnin meirihluta á þingi væri kosið nú og Fogh væri áfram leiðtogi flokksins og stjórnarsamstarfsins. Stjórnin fengi þá 88 þingmenn á móti 87 þingmönnum stjórnarandstöðunnar.

Væri Lars Løkke Rasmussen hins vegar leiðtogi stjórnarflokkanna fengi stjórnin einungis 80 þingmenn á móti 95 þingmönnum stjórnarandstöðunnar.

Hvað Venstre-flokkinn einan varðar er fylgi hans samkvæmt könnunni annað hvort 24% eða 17% eftir því hver er formaður flokksins.