Ný skotárás á Norðurbrú í Kaupmannahöfn

Maður var skotinn í magann á Norðurbrú í Kaupmannahöfn. Skotið var á manninn úr bíl sem keyrði framhjá, en fórnarlambið var að sögn vitna á göngu með barnavagn. Hleypt var af sjö til tíu skotum.

Nokkurt uppþot átti sér stað í kjölfarið í nágrenninu og hrópuðu íbúar í nærliggjandi húsum að lögregluliði sem kallað hafði verið út í kjölfar skotárásarinnar. Lögreglan vinnur nú að því að koma ró á fólkið. Þetta kemur fram á vef Politiken.

Nokkrir hafa þegar verið handteknir.

• 1 blogg um fréttina

Bloggað um fréttina

• Haraldur Davíðsson: Hvað skyldi nú hafa startað þessu götustríði milli erlendra og …