Yfirmaður leyniþjónustu Rússa rekinn

Forseti Rússlands, Dmitry Medvedev hefur rekið frá störfum yfirmann leyniþjónustu hersins, GRU, samkvæmt fréttatilkynningu frá Kremlin. Leyniþjónusta hersins er stærsta og öflugasta leyniþjónusta Rússlands, með sex sinnum fleiri fulltrúa á sínum snærum í útlöndum en utanríkisleyniþjónustan SVR, sem tók við af KGB, leyniþjónustu Sovétríkjanna á tímum Kalda stríðsins.

Hershöfðinginn Valentin Korabelnikov var yfirmaður GRU leyniþjónustunnar frá árinu 1997. Sagt er að hann hafi íhugað að segja af sér fyrr á árinu þar sem hann var mótfallinn tillögum að breytingum á starfsemi leyniþjónustunnar. Yfirvöld í Rússlandi hafa ekki gefið skýringu fyrir því hvers vegna Korabelnikov hefur nú verið sagt upp, en í hans stað hefur verið skipaður hershöfðinginn Alexander Shlyakhturov.

• 1 blogg um fréttina

Bloggað um fréttina

• Jakob Falur Kristinsson: Rekinn