Uppreisnarmönnum verði útrýmt

Forsætisráðherra Pakistans segist hafa fyrirskipað hernum að útrýma uppreisnarmönnum og hryðjuverkamönnum. Svo virðist sem að hann sé að vísa til þeirra hernaðaraðgerða sem beinast nú gegn Talibönum í landinu.

Yusuf Raza Gilani sagði þetta í sjónvarpsávarpi í kvöld.

Átök í Swat-dalnum hafa færst mjög í aukana undanfarna daga, sem og víða annarstaðar í norðvesturhluta landsins. Þúsundir saklausra borgara hafa neyðst til að flýja heimili sín.

Robert Gates, varnarmálaráðherra Bandaríkjanna, hefur lýst yfir ánægju með aðgerðir Pakistana.

Gates segir afar litlar líkur á því að Talibanar geti komið höndum sínum yfir kjarnorkuvopn landsins.

Að sögn pakistanska hersins hafa a.m.k. 10 hermenn látið lífið og níu særst í átökunum sl. sólarhring.

• 1 blogg um fréttina

Bloggað um fréttina

• Þórður Guðmundsson: Það er gott að búa á Íslandi!