Danir bjóða 191 þjóðarleiðtoga á fund

Danmörk bauð í dag 191 þjóðarleiðtoga til fundar um loftslagsmál á vegum Sameinuðu þjóðanna í Kaupmannahöfn í desember. Hefur Lars Løkke Rasmussen, forsætisráðherra Dana, sent viðkomandi ríkjum boðsbréf gegnum sendiráð Dana víðsvegar um heim.  

Er þjóðarleiðtogunum boðið að taka þátt í loftslagsráðstefnunni 17. og 18. desember en þar á að fjalla um samkomulag sem taki við af Kyoto-sáttmálanum svonefnda þar sem sett voru markmið um að draga úr losun gróðurhúsalofttegunda út í andrúmsloftið. 

Þegar hafa um 40 þjóðarleiðtogar lýst því yfir, að þeir muni koma til Kaupmannahafnar, þar á meðal Gordon Brown, forsætisráðherra Bretlands, Nicolas Sarkozy,  forseti Frakklands og Angela Merkel, kanslari Þýskalands.

• 1 blogg um fréttina

Bloggað um fréttina

• Loftslag.is: Mikilvægur fundur